Վատիկանի դրոշմաթուղթի գրասենեակը` այսօր կը հրապարակէ երեք դրոշմաթուղթերու շարք մը,
ոգեկոչելու համար` Ս. Քամիլլօ Տէ Լիլլիսի մահուան 4-րդ դարադարձը, Պօղոս Զ Քահանայապետի
երանացումը, որ նախատեսուած է յառաջիկայ հոկտեմբեր 2014-ին եւ Ս. Պիոս Ժ Քահանայապետի
մահուան առաջին դարադարձը։ Նշենք որ Պիոս Ժ-րդ Հռոմի Պապը եղաւ` կաթողիկէ եկեղեցւոյ
257-րդ Քահանայապետը (1903-1914)։ Միշտ այսօր առաւօտեան ժամը 9-ին, Վատիկանի պարտէզներուն
մէջ տեղի ունեցաւ ''Վիրճին Տէ լա Քարիտատ Տէլ Քոպրէ''` Քուպայի պաշտպան սրբուհի` Մարիամ
Ս. Աստուածածնայ արձանին օրհնութեան արարողութիւնը գլխաւորութեամբ Կարտինալ Թարչիզիօ
Պերթոնէի։ Արձանը նուէր է Քուպայի եպիսկոպոսաց համահաւք դասի անդամ եպիսկոպոսներուն։
Արարողութիւնը սկիզբ առաւ Վատիկանի Պետական Կառավարութեան նախագահ` Կարտինալ Ճուզեփփէ
Պերթելլոյի արտասանած բարի գալուստի խօսքով ապա տեղի ունեցաւ Արձանին օրհնութեան արարողութիւնը
զոր գլխաւորեց Սենեկապետ Կարտինալ` Թարչիզիօ Պերթոնէն որ ապա ճառ մը արտասանեց ներկաներուն։
Խօսք առաւ նաեւ Քուպայի եպիսկոպոսաց համահաւք դասի ներկայացուցիչը ու եզրափակիչ աղօթքէն
ետք տեղի ունեցաւ կոկիկ ընդունելութիւն։